Bez svekline nie življenja!

Naj Blog

Vezane vijesti

Zadnji recepti

Najnoviji videi

Igre, igrice

Oglasi i najave

Mi na Facebooku

            Ne same unda gda se zbudiš - a moraš se zbuditi, ne same unda gda nie ti ljehke – a ljehke ti niti nemre navek biti, ne same unda gda moraš držati do maloga človeka – a te nie smeti same negda - nek navek, vse skup, kak god da te več put če i povlječi, vse ti unda niti nemre nič dobroga i pametnoga donesti. Te da med nami pune uneh ma kaj ne verjeju, kaj nečeju verovati i kaj navek bežiju, same da nebi došli do toga da vriedne živeti za nekaj ili za nekoga je, vse te stoji. Da nie moči negdar – i te stoji. Da je vse te skup tak kak negdar si te šteli i nebi - i te stoji, jer sveklinu nie ljehke zestati, iste kak ju i h srčeku meti. Kaj je – je, tuj nemre se nič, tuj nič niti drugać moći nie, kaj god da spelati bi štel – pak z vsega toga nič zišle nebu - a pak ti sveklinice nebu.
    I dojti nam je trieba pak do toga da sveklinicu bi poiskali, da meli bi ju za navek, da dragali bi ju i ž nju se spominali, kak z unem kaj nam najvrednejše je.
    A življenje navek svoje ma, kak god da nehči si mislil bi da je vse mu moći, mnogi put zide nam tak kak si te ni šteli niesme. Une kaj ne delame, a triebali bi – je te da življenje nam posluhnuti je trieba. Iste tak vsi skup, triebali bi se zastanoviti i pustiti do srčeka vse une kaj dobre ti će, da čem bolše življenje ti se spelale bi.
    Vse te skup jedine je tak mogle se dogoditi, tuj se nemre nić ni pomoći, tuj vse je dobre poznate, jer kak god da se obraćal i kak god da se zvraćal, nemreš tuj nić zmeniti, jer prve zmeniti sam sebe ti je trieba. Da je moći ne posluhnuti, da je moći krive prejti – vse te skup nam dobre je poznate. Z-tem se morti i more živeti, ali je najgorše te gda već nemreš nić tomu kaj gnjete te tak duge, a ti sam nećeš tuj nić si pomoći. Kak god da žmehke ti je i kak god da ćeš se zmeknuti, već si preveć put krive krajil i već si tak hude se zvil, da se već ni stegnuti nemreš praf.
    I trieba ti se je, male po male – otprieti, a pak ne preveć, jer mel si pune put za videti kaj ti se dogodi gda srčeke preveć pred krivami ljudmi otpreš. Trieba je človek biti, a poznate ti je i te – da te te kaj človek si je, iste tak hništiti more. Vse te skup niti ti nič vriedile nebu, ak več neš tuj bil, ak neš rad mel une kaj najmilejši su, ak sam sebe hništil buš. Te ti tak morti ljehke i zgledi, ali te nie same tak ljehke zmeniti moći.
    Da te moći vsemi nam bi bile, trieba nam je hloviti i dosegnuti sveklinicu, trieba nam je veseljiće k sebe dopeljati, i trieba nam je volju meti, volju kaj se ne najde furt i same tak. Sveklinica, kak god da te nekomu zgledi ljehke, nie te da doma moreš nekaj obrnuti pak ti mam vse poljek tebe zasveklile bu. Sveklinica je nekaj kaj nas vse skup greje, kaj življenju nam veseljiče navek da, kaj na pravomu putu nas drži. Te da ju je ljehke najti i zadržati, te nikak ne stoji, te po druge strani najžmekšejše od vsega je, te se niti neda nikak drugać povedati, nek same tak da ž nju se navek dobre zmućiti vsem nam je trieba.
    A da bez sveklinice življenja nie, da tak nie ni vsega kaj triebale biti bi, vse te poznati nam trieba je, jer razmeti nam prve je trieba, da srčeke čuvati nam je trieba. Nie te zaistinu same tak ni moći, jer da razmel bi kaj sveklinica ti je, sveklinica kaj husebe štel bi ju meti – da grel ž nju bi vse une kaj rad ih maš, same ti unda i tak bu življenjiće kak življenje zgledele, kak veseljiće i nikak drugač.
    Prim. dr. sc. Rajko Fureš, dr.med.