Ej vsaki človek – „človek“ i je!

Naj Blog

Vezane vijesti

Zadnji recepti

Najnoviji videi

Igre, igrice

Oglasi i najave

Mi na Facebooku

Pitanje kaj vse skup nas čaka, prie ili kesnejše, pitanje je kaj se z tobu skup zestale rade bi. I vse te skup dojde ti do mesta gde nemreš nič druge nek ili genuti ili se prehititi naopak. Štel vsaki med nami pune toga i bi, štel se bi zdignuti negda, štel bi da vsi radi ga maju a štel bi i vesel biti. Mnogi put vsaki med nami štel bi sam se sebe smejati unda gda si mislil bi kak najbolše mu je išle i kak vse more se. Da človeku hdreti h glavu vse te skup more, da vsaki se stepe navek gda se stegne une kaj se zbeči bi štele – te tak triebale bi biti. Vse ti te poveda da navek vsemi nami je trieba po zemljice hoditi i da se je trieba življenju furt vučiti, same da se praf prejde, da se ne skrene, da se živi unak kak človeku živeti navek je te i trieba.

Da je človek navek same tak ljehke biti, da navek se more po pravomu putu hoditi, unda nihči med nami grieha nebi mel, a tak i navek vse te skup triebale bi biti nam. Pak bi štel otom govoriti na tu stran i pak bi štel dopovedati sebe i vsemi te kak moči je otprieti vrace tere su več na ljete čvrste zaprete bile, a vse te skup i nie same tak najlježejše. A človek se zmeniti navek more, more ak te če, ak človek če človek ostati, i ak se potreti neda, unda nič mu na svietu nemre na put stati a i nesme. Pak ak človek skrene i ak se spremeni tak da nie ga za poznati – ak človek nie za prepoznati, pitanje je e ga za „človeka“ več zvati i držati moreme. Te se dogodi, te nie od denes a niti od hčera, te je črnile kaj navek se po nekteromu pajdašu razleje, pak ak ga pajdaš ne spere mam od sebe z vodu najčistejšu, sam bu nacajhan ostal kak da je od navek črni kak vuglen bil. Te je moguče ak sam primeš tu črnile nase, ak se niti ne kreneš ž njem boriti, ak mu daš da z tobu krmani. Unda je i za razmeti kaj i kak se ljehke dogodi te da nie moči poznati dohčerajnjoga pajdaša. Najjasnejše ti je a i vsemi nami triebale bi biti i te da vse se te skup mam zmenile je mam. Vse te spelale se tak brze da niesme te verovati ni mogli, po pravice povedati se mora da se niesme vsi skup mogli tuj niti obrnuti a niti sme smi kaj stigli spregruntati otom, a sve te skup zaistinu je i triebale.

Morti h življenju drugač se more, vsaki na paperu ma une kak se veli – vse na svietu, same mu trieba je praf papera spuniti. Nehči se zapozabi pak ide papera drapati, ide po njem čarati ide ga trgati i frkati, pak na kraju i pozabi kaj z paperem je napravil i kaj tie paper praf za praf i je. Morti se zaletel mnogi put med nami vsaki bu unda gda bu mu jabučica se kazati krenula, morti te i nie za zameriti, ali une kaj zbeči nemreme je te da nie nam te od denes tuj. Vse te nam još od Evine je dobe, dobe gda išla je jesti od unud gde smela te nie, tak da korenje nam tu se furt znovič vlječe od gda sviete je i veka.

Na belomu papereku more se čudaj toga, more se nekaj naopačnoga fteknuti a more se iste tak papereka nacajhati kak ga najmenjše detece cajha i kak mu dušice kak pajdašu poveda i ž njem se spomina. Vsaki si med nami puteca življenjskoga nacajhati more, more se spretepsti a more se i vsikud, vsikak i vsigde otprieti kak je i najbolše.

Živlenje če i življenje pe, pe kam ga sami krmanime i kam ga sami obrneme, jer drugač se niti nemre praf opstati na ovomu svietu ak sami neme posluhnuli, ak puteca neme pratili, jer unda bu nam i lježejše, dok puteca bume se držali kaj nam Jedini ga pokazal i kak najvekšega dara nam ga ostavil je.

Unda gda se pak dojde do toga da trieba vsemi povedati e človek je človek, e človek biti človek more, e se drugač življenje posložiti trieba i e si vsaki trieba posložiti sam sebe une kaj drugač niti nemre, te same kak pitanje odgovora jednoga ma.

Življenje tu se dotikavlje same teh vriedneh puteh, puteh kaj nemreju dopovedati nikomu med nami da nie vriedne prestati se boriti, da se navek trieba za jedinoga puteca živeti, jer same po njem se more dojti unde gde vsaki štel bi.

Dojdeš tak prie ili kesnejše i do toga da počneš si spremišljavati otom e vsaki človek – „človek“ i je, i kaj si buš ili bi tuj povedal ili dopovedal? Kak je da je, da je ljehke ljehke nie, jer Faustek dragi, bolše reči Fausteki najdrajši i denes su med nami.

Prim.dr.sc. Rajko Fureš, dr.med.