I zakaj vsaki med nami na svietu je?

Naj Blog

Vezane vijesti

Zadnji recepti

Najnoviji videi

Igre, igrice

Oglasi i najave

Mi na Facebooku

I zakaj vsaki med nami na svietu je?

Nie ti tomu prvi put bile, da niesi znal kaj sebe bi povedal, kaj si bi dopovedal i kaj bi zel kak une kaj tuj i vriedi. Najgorše je, kaj male gdo med nami posluhne unda gda trieba mu je posluti, gda trieba povedati i une kaj se nemre same tak povedati. Dok doma počivati si moram, ne zate kaj te čem – nek zate kaj zbeči te nemrem, pred menu se pak vse otpira. I kak da vse te skup još ščera je bile, a pak, kaj najgorše je – denes mi te nič razmeti moči nie. Da nies videl vse te skup prie i da niesam mogel vse te i h prave vrieme razmeti, te pak nemrem povedati. Vse sam te i prie znal, mnogi pajdaši su mi povedali da zastonoviti mi se je trieba, a pak vse te zabadaf. Nič posluhnul nies, išel sam vsikud najbržejše kaj sam mogel, kak da me već zutra na svietu bile nebu. A niti je te po pravice, i niti tak te nemre ni biti. Zdaj te najemput mi dobre je poznate, zdaj vse razmem - gda već nič tuj nemrem, nič druge nek se zastanoviti mam.

Pak je došle najemput i te na kaj nigdar nies ni mislil, te da sam si pitanje otprl tu – a zakaj življenje? Nie ni prvi, a niti najzajdnejši nem, kaj otom si spremišljava. I kaj god da povedal bi, more se povedati i nekaj več. I ak češ dobre si, a i vsemi kaj radi te maju, nič druge ti nie ni trieba, nek se mam – i nikak drugač, zastanoviti. Unda se bu vse i hutebe, iste tak mam obrnule, unak kak te je i trieba. Ak češ, pak, na opak prejti, i ak bi se, ovak ili onak, išel krive obračati, a dobre ti je poznate da te put pravi nie, unda po pravice, z vsem tem skup – nič drugač se nemre zestati po pravice, nek same une kaj naopačne je.

            Zate, vsem nam skup, naj nebu nigdar žmehke, kak god da te negdar i zna biti, zate vsi skup na kupu triebame se zestati, triebame se zastanoviti, triebame dobre pogledati huse i cielomu svietu triebame se otprieti, unak kak te je i trieba, kak god da nas srček praf vuči. Z krajenjem mam trieba stati je, jer ak življenje na naopačne potepeš, unda prie ili kesnejše hpičile te bu najgorše unda gda najmenj buš i nadal. I tak, e ti te češ ili te nebi štel, doma ti se prijeti je trieba, kaj je i najbolše, jer su navet ti vsi uni kaj spozabil si ih, ženjščica najdrajša i dečica najmilejša. Najgorše ti je – kaj ti zgledi kak da te več ne poznaju, a ti bi štel da nie tak. E češ ili te štel nebi, zdaj pak si se vrnul, i več zglajzati ti nie smeti, jer več nigdar ti moči vrnuti se bile nebu.

            I pak štel bi znati – a zakaj živeti? Z tem pitanjem vse počele je i z tem pitanjem iste tak se vse poljek nas, oko nas i hunam bu došle tak odkud sme na puteca življenjskoga krenuli. E te bile negde poljek, e te bile negde zestrani, e te bile negde gde nie triebale biti ili je vse te skup bile unde gde je triebale biti same ne huti cajtek, otem iste tak zdaj več nie vrieme za gruntati si. Vsemi nami skup, denes kak i ščera, zutra kak i negdar, vse te skup – ne vriedi nič. Une kaj je vriedne, une za kaj nam, vsem skup, živeti vriedi – te je une kaj navek nam je poljek, te su nam uni najmilejši, kaj furt su z nami, kaj nas dragaju i kaj nam delaju vse une kaj i kak najbolše moreju. Najgorše je te kaj do vsega toga retke vsi skup držime, dok nam nie pre kesne, dok nas ne stepe. Unda človek vsaki počne drugač gledeti, unda se bi rad obrnul unam od gde došel je, a več se nie mu vrnuti moči. Najgorše je unda gda vse skup se potepe i gda se naopak kraji, unak kak nigdar triebale krajiti nie.

            Zate, i za vsigdar, nie trieba iti naopak, nek je trieba vse te skup odvrteti unak kak te je jedine i vriedne, trieba se je zastanoviti, doma držati i biti z unami kaj do tebe držiju. Da bi življenje človek živel, jedine tak je moči, jedine je tak trieba, i nikak drugač!

Prim. dr.sc. Rajko Fureš, dr.med.