Zastanoviti življenje

Naj Blog

Vezane vijesti

Zadnji recepti

Najnoviji videi

Igre, igrice

Oglasi i najave

Mi na Facebooku

Navek ide kak ide, nehči ide male bolj, nehči male sporejše a nehči ide tak kak da išel ni došel nebi. Vsaki došel bu, nehči male bolj i prie a nehči male kesnejše, ali prie ili kesnejše pak, vse te skup na iste ti došle bu. Tak tečeš h življenju dnev za dnevem, tečeš i nemreš si pomoči jer sam sebe nemreš dopovedati da vsigde došel buš, da nie ti se žureti nikam vriedne, da navek vsigde stigel buš ljehke, same da h življenju vse iti male po male trieba.  I da je vse te skup same tak i moči, i da se vse te skup splati, da se z vsega toga more drugač zvlječi, vse te skup nejde nikak kak ide, nejde tak kak nejde i nemre se spelati drugač nek se je spelale. Same se pri tom poslu more videti e je ili pak e nie te bile praf ili krive nasajene. Nemreš iti a da te strah ne hlovi od toga da se ne  posmekneš, tam gde niti sam te znal niesi, jer nie ti te same tak bile se moči dogoditi. A pak gda si bi štel nekaj po tom pitanju dopovedati, e je te praf ili je te krive, ti h vsemu tomu nemreš nič več niti videti a još menj i čujti. Tak došel buš do toga da več znal neš nikak kaj te je i kak se zaistinu praf za praf pri vsemu tomu ti bi i postavil, jer drugač niti ti te moči se spelati neda i moči bile nebu.

A ciele si življenje tekal, ciele si se vrieme mučil, ciele si vrieme študeral i ciele si se vrieme štel nekam drugam. I kaj ti se dogodile, dogodile ti se je te da več tekati niesi mogel, da tekati si štel a da si se na jemput na mestu našel, na mestu z teroga ti nie bile nikam pobeči moči.  

Kak god da se nečeš zastanoviti, jemput te ti moral buš – e te ti štel ili ti te štel neš. Kak god da se poveda, tuj ti nič napraviti nemreš, te nie nekaj kaj se zastanoviti da ili kaj se drugač nekak spelati more. Une kaj ti zaistinu i moreš, kaj ti se more dopovedati ovak ili unak, vse ti te skup ide po pravice i vse te skup same se more dogoditi tak kak zdaj si morti i spremišljavaš, same unda dok ti si pri cajtu. A unda gda se zastanoviti vsaki med nami i more, male gdo da se če i zastanoviti poljek toga. Te vsaki med nami po sebe zna, jer gda pred sobu maš nekakvu duhu ili te nekaj vlječe, ili bi pak „triebal“ negde male prie i male bolj dojti i odvrteti vse une kaj se odvrteti da, unda ti vse te skup ziti niti drugač nemre.

I da vsaki med nami same male gledi, da vsaki med nami same male posluša, da vsaki med nami če gledeti i videti une kaj videti mu je i trieba, unda vse morti i nebi zišle tak kak je zišle. Male gdo more prejti i male gdo se če zastanoviti, nie te ljehke i nie te same tak moči oddelati, jer kak god da se če ili kak god da se neče povedati, vsaki med nami ma meste i vsaki med nami morti i prejti more. A da nie ljehke prejti i da se nie same tak obrnuti, kaputec drugi nase oblječi, pak prijeti za vrace i za sobu ih zaprieti, te nemre znati nihči gdo te probal nie.

Zate vsaki dnev gda vsaki med nami se stane i gda vsaki med nami poveda si une kaj čujti bi štel, unda ti je najbolše prejti h vis i povedati male po male te kaj se šikati vsakomu more, kak une i kak nekaj kaj drugač se niti nie mogle a ni smele. Nie ljehke te spelati i nie same tak krenuti po putecu kaj nie ti bil najbolši, jer navek si si spremišljaval i navek si štel nekaj druge, a dobiti niesi mogel nič druge nek same une kaj ti se pri ruke našle. Kak god da si povedaš otom kak cajta ti nie – cajta ti je navek trieba najti, jer vsega bu, vsega – same nas vseh skup ne. A vse te, kak god da si te morti bi ili nebi štel, vse ti te dojde tak kak došle je, vse ti te skup zide tak kak največ put si štel niesi, a zišle ti je tak da se je na jednu stran vse te skup dele, a pak je unda poljek vsega toga spelale vse se te same na stran jednoga velikoga - nič.

Trieba je ostati človek, kak god da te nie furt ljehke i kak god da štel te bi zbeči, nie ti te same tak i nie ti te navek ni moči. Une kaj vsaki kaj dobre si če – i trieba, je te da cajta si vsaki med nami najde, jer došla bu doba gda več zate pre kesne i bu, a pomoči si mogli več neme.

Prim.dr.sc. Rajko Fureš, dr.med.